Sosiale medium

Bø i Telemark
38
-10°C
 

Dato

Fredag 14. desember 2018

Web-kamera i Bø

Høgskulen
Lifjell

Forfatterarkiv

Kulturpris til Rocksamfunn-eldsjel

Ordførar Mette Haugholt og kulturprisvinner Bjørn Arve Skjeslien under utdelinga av kulturprisen torsdag kveld. Foto: Gro B. Røiland 


Sauherad kommunes kulturpris for 2018 går til Bjørn Arve Skjeslien, musikar, frivillig kulturarbeider og drivkraft i Akkerhaugen Rocksamfunn gjennom mange år.

Ordførar Mette Haugholt delte ut prisen etter kommunestyremøtet i Sauherad torsdag kveld.

– Bjørn Arve er kjent som ein engasjert og handlekraftig person som brenn for lokalmiljøet. Eg vil særleg framheve Akkerhaugen Rocksamfunn, men Bjørn Arve har eit stort spenn og ei stor kontaktflate og samarbeider på mange kantar, sa ordføraren under tildelinga.

Les meir i papiravisa 20. desember eller i e-avisa for abonnentar på boblad.no.

 

Kjempar for ny skule

May Britt Sauro, leiar i Akkerhaugen Velforening, delte ut faklar til dei mange frammøtte. Foto: Gro B. Røiland

 

Dei var mange og tydelege, forsamlinga som møtte opp utanfor kommunehuset på Akkerhaugen måndag.

På initiativ frå Akkerhaugen Velforening, og med støtte frå FAU, var folk samla for å seie si meining om ei eventuell utsetjing av ny barne- og ungdomsskule på Gvarv.

– Ny skule nå! var den tydelege beskjeden kommunestyret fekk med seg inn til kveldens kommunestyremøte.

 

Video frå måndagens demonstrasjon kan du sjå her:

 

Les meir i papiravisa torsdag 29. november.

Aksjonerer for ny skule

Den slitne Sauherad barne- og ungdomsskole engasjerer mange. Foto: Gro B. Røiland

 

Skulesaka i Sauherad engasjerer breitt. I kveld får kommunestyret presentert skisser og budsjett for ny skule på Gvarv.

Om det blir byggestart i 2019 eller ikkje, blir avgjort i budsjettmøtet i desember. Ifølgje rådmannen har kommunen ikkje råd.

På initiativ frå Akkerhaugen Velforening, blir det i forkant av kommunestyremøtet i ettermiddag protestaksjon ved kommunehuset mot utsetting av skuleprosjektet.

– Bygging av ny skule er allereie langt på overtid, skriv Akkerhaugen Velforening.

I eit opprop frå FAU i Sauherad med krav om 1-10-skule nå, blir det påpeika at ny skule på Gvarv er eit viktig punkt i intensjonsavtala om samanslåing av Sauherad og Bø.

– Denne investeringa er heilt nødvendig for den nye kommunen. Me har ikkje noko tru på at det blir lettare økonomisk ved å utsette vedtaket, uttalar FAU.

 

 

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje