Sosiale medium

Bø i Telemark
13
11°C
 

Dato

Onsdag 22. august 2018

Web-kamera i Bø

Høgskulen
Lifjell

Forfatterarkiv

Sel Lerkekåsa Vingård

Overnatting i tønner. På Lerkekåsa har dei eigenprodusert vin og overnatting i tønner. No vil Wenche Hvattum og Joar Sættem overlate drifta til andre. Foto: Lerkekåsa Vingård

 

Vil sleppe til nye krefter

Wenche Hvattum og Joar Sættem sel Lerkekåsa Vingård og Galleri. Dei to kjenner at etter ti år er tida inne for å overlate garden til friske krefter.

 

Det går det fram av ei pressemelding som Wenche Hvattum og Joar Sættem har sendt ut.

Hvattum og Sættem fortel at dei har bruk ti år på å skape den særeigne staden.

– Garden produserer ulike drue-, frukt- og bærvinar og tilbyr i tillegg vinsmaking, trivelege festlokale og overnatting i unike omgjevnader, står det i pressemeldinga.

Dei har gjort eigedommen til ein kjend reiselivsattraksjon med god omtale på ulike reiselivssider på nett. Hvattum og Sættem fortel at dei også har blitt kontakta av leiande restaurantar, internasjonale vinmagasin og vingardseigarar frå Sør-Europa. Tilbakemeldingane dei får er gode.

– Den som drøymer om ein eigen vingard, eit romantisk småbruk eller eit nytt liv på landet har sjansen no. Ein kan for første gang hauste eigne druer og kanskje setje eigen vin i haust, fortel Hvattum og Sættem.

Dei vil gjerne hjelpe nye eigarar i gang og dele av kunnskap og erfaring.

Okse på langtur

 

Sjølvfanga. Oksen gjekk til slutt inn i ei inngjerding av eigen fri vilje. Politi og brannvesen kunne berre late att grinda.

 

 

 

Måndag morgon vart det oppdaga ein telemarkokse på tur på Langkåshaugen. Han har blitt observert både beitande på plengras og medan han kosa seg med eple.

Etter at oksen tok til å følgje etter skuleelvar på veg til skulen vart politiet kontakta. Halvor Tveitan frå politiet opplyser at dei vart varsla rundt klokka halv åtte, men venta litt med å rykkje ut.

Etter det Bø blad observerte var verken oksen eller skuleelevane skremde av det uvanlege møtet.

Etter kvart gjekk oksen inn på tunet på Holmen gard ved sidan av Bø gamle prestegard og gjekk inn i ei inngjerding av eigen fri vilje. No hadde representantar for brannvesenet og politiet kome og dei kunne berre late att grinda og vente på eigaren. Det er Magnus Skogen. Han kunne fortelje at oksen gjekk på beite saman med kyr på Skogen gard ved Brenna. Korleis han hadde kome seg til Langkåshaugen visste han ikkje.

– Det er den snillaste guten, sa Skogen om oksen.

Oksen verka veldig roleg og hadde ikkje synlege skadar etter ferda. Skogen fortel at han har vore korte turar utanfor gjerdet før, men no blir han sett på eit meir utbrotsikkert beite.

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje