Sosiale medium

Bø i Telemark
07
11°C
 

Dato

Torsdag 29. juni 2017

Web-kamera i Bø

Høgskulen
Lifjell

Forfatterarkiv

Idrettspresidenten på Bø-besøk

Besøkte skifestivalen. Idrettspresident Tom Tvedt er i Bø i dag for å oppleve Telemarksveka og Sommarland skifestival. Her er han saman med arrangørar og frivillige i Bø. Framme frå venstre Andre Horgen, Sylvi Haugenes Elvestad, Camilla Haugerud, Inger Eira og Guri Ramtoft (idrettsstyre NIF). Bak står f.v. Tom Tvedt og Tormod Hynne. Foto: Øystein Akselberg.

Idrettspresident Tom Tvedt er akkurat nå i Gullbring og får oppleve skifestivalen og TelemarkVeka på nært hald. Han har møtt frivillige frå Skarphedin langrenn og arrangør av Telemarksveka, med primus motor Tormod Hynne i spissen. Han rosar driftige klubbar og alle dei frivillige som jobbar dugnad. – Me set pris på dugnadsfolket. Uten dei blir det ikkje noko aktivitet, seier Tvedt til Bø blad, og rosar også Tormod Hynne for å vere ein driftig arrangør. Tvedt peika på at det er slike breddearrangement som skapar framtidas toppidrettsfolk. Han fekk møte ein stor gjeng ivrige skiløparar i Bø.
Både TelemarksVeka og skifestivalen går sin gang i dag. I dag kjem fleire av dei mannlege skigutta med Martin Johnsrud Sundby i spissen til Bø. Fleire av dei blir å sjå på St. Hans-showet i Sommarland og i morgon er det tid for Rulleskisprint i Bøgata. Skiskule-ungane får eit møte med vossingen Sjur Røthe også.

Skilandslaget trenar i Bø

Landslag med lokal kjentmann. Landslaget er her dressa opp for langtur på rulleski via Bø, Hørte og Gvarv med Skarphedin-løparen Svein Halvor Dahl som kjentmann. Frå venstre Kari Øyre Slind, Astrid Uhrenholdt Jacobsen, Marit Bjørgen, Ragnhild Haga, Ingvild Flugstad Østberg og Maiken Caspersen Falla. Foto: Øystein Akselberg  

Skilandslaget for kvinner er på treningsleir i Bø denne veka. Dei bur privat og skryt av fin buplass og gode treningsforhold både langs vegane og i skogen.

Bø blad fekk tysdag møte kvinnelandslaget på ski der dei bur på hemmeleg og privat adresse i Bø. Dei har fått fleire hus å opphalde seg i, men vil helst halde lokaliseringa for seg sjølv. Landslagjentene gjorde seg klar for ei lengre treningsøkt då me møtte dei. Tysdag gjekk turen via Lundevegen, sentrum, Hørte, Gvarv og tilbake langs riksvegen. Treninga gjekk saman med rekruttlandslaget og eit proff-lag. Ein stor og fargerik gjeng spreke skifolk blei eit syn for alle som møtte på dei.

I dag tidleg, torsdag, gjekk jentene intervall-trening frå rundkøyringa og opp Lifjellvegen til Jønnbu. Nok ei god økt i Bø for våre beste kvinneløparar.

Laurdag deltek fem av jentene i Sommarlandsprinten på rulleski i Bø sentrum. I show-rennet blir det mange skistjerner å sjå, med Martin Johnsrud Sundby og Sjur Røthe i spissen. Svein Halvor Dahl er det lokale håpet.

Kjempar om opprykk

Topplag i 3. divisjon. Skarphedin fotball sitt damelag heng med heilt i toppen i årets serie. Foto: Skarphedin fotball.

Skarphedin fotball sitt damelag i 3. divisjonsserien for Vestfold, Buskerud og Telemark knivar i toppen etter ein god vårsesong. I går tok laget ein ny overbevisande siger med 3-0 over Fossum heime på Sandvoll. Dermed tek laget sommarpause på andreplass. Jentene ligg tre poeng bak Pors, som har ein kamp mindre spelt. Mot Fossum skåra Jorunn Hellekås etter kårner frå Marianne Sanden, Marie Bang og Siri Nordbø. Spennande og avgjerande blir det 21. august då bølaget tek imot Pors til toppkamp på Sandvoll.

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje

s2Member®