Sosiale medium

Bø i Telemark
38
8°C
 

Dato

Torsdag 24. august 2017

Web-kamera i Bø

Høgskulen
Lifjell

Forfatterarkiv

Sommartoget er i Bø

Første intervjuobjekt. Ein kar med Sputnik-skjorte var første mann som blei intervjua då Sommartoger kom til Bø like før klokka 14.00. Ordførar Olav Kasland tok i mot NRK sitt sommartog og geleida NRK-folka rundt på stasjonsrommet som var full av folk. Foto: Øystein Akselberg

Sommartoget rulla inn på Bø stasjon nokon minuttar for seint, og like før klokka 14 i dag. Bø var verkeleg på beina og plassen rundt på stasjonsområdet var full av marknadsboder og folk. Utover dagen blir det nå marknad og studenttorg og ulike aktivitetar. Klokka 20.30 blir det oppvarming før TV-showet med lokale aktørar som Jon Rørmark, Kaja Søgard, Jon Solberg og Thomas Hellekås. Ordførarduell blir det også. Så klokka 21.30 er det klart for direktesendt Sommaråpent på NRK.

Sjå fleire bilete frå Sommartoget i biletgalleriet.

Toppkamp på Sandvoll i kveld

Nye folk inn. Skarphedin fotball stiller til seriekamp etter ferien med tre nye mann i troppen. Mest kjend er nok Super-Eddy (Edvard Ajer) som har mange år bak seg i den blå Skarphedin-trøya. Her står han i midten saman med trenar Øystein Sanden. Nye spelarar er i tillegg Fredrik Tennfjord og Sigurd Aas Levang. Foto: Skarphedin fotball.

Skarphedin fotball møter Urædd på Sandvoll i kveld klokka 19.30. Dette er sesongens store toppkamp i Kretsligaen Telemark, 4. divisjon. Urædd toppar tabellen med Skarphedin like bak på tredje plass. Kampen er også ein revansje etter at Urædd stal med seg alle tre poenga etter vårens kamp, då etter ein protest. Våroppgjeret endte eigentleg med poengdeling og 1-1.

Teikna nye Uvdal gard

Staselege bygg. Arnt Darrud viser fram arbeidsteikninga av det nye eldhuset på Uvdal gard. På eit av husa heime på Fjellstad i Sauherad har Darrud sjølv laga ein kopi av beitskia som var å finne på begge dei gamle stabbura på Uvdal gard. Foto: Øystein Akselberg

Idéskapar og tusenkunstnar Arnt Darrud er arkitekt for gjenreisinga av Uvdal gard. Garden vil igjen bli ein staseleg og flott storgard.

Arnt Darrud (55) bur på plassen Fjellstad ovanfor Årnes i Sauherad. Han er kjent som idéskapar, kunstnar og arkitekt og har bokstaveleg talt tusen jern i elden. Han har hatt god kontakt med gardsfolket på Uvdal gard i mange år og har hatt fleire oppdrag på garden, seinast med restaureringa av hovudhuset og reiskapsbygningen før det. Da Uvdal gard brann ned til grunnen 24. juli i fjor fekk han umiddelbart beskjed om at gardsfolka ønskte at han skulle kome med forslag og teikne den nye garden som skulle gjenreisast.
– Det har vore ei spennande og utfordrande oppgåve. Historia bak garden er svært spesiell, heilt frå storbonde Halvor Borgen tidleg på 1900-talet ville byggje ein «kongsgard» i Bø, seier Darrud.

Han slår fast at Uvdal gard har ein spesiell posisjon både i Bø-samfunnet og hjå bygdefolket som ein stor og staseleg gard.
– Gardsfolket har ønskt seg gjenoppbygging tilnærma den gamle garden, samtidig med ønskje om å tilføre noko nytt og spesielt. Den gamle garden hadde alle ingrediensane og utsjånaden som ein praktgard. Utfordringa mi har ligge i å få dei nye bygga opp i riktig dimensjon og i rett målestokk, seier Darrud, og legg til at det også har vore viktig at bygningane skal vere til større nytte og ha brukseffektivitet.

Darrud har laga arbeidsteikningane til tre nye bygg på nye Uvdal gard: hovudhus, driftsbygning og eit eldhus.
– Hovudhuset og låven er i opphavleg stil, men me har stramma dei opp i forhold til dagens bruk, forklarar han.

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje

s2Member®