Sosiale medium

Bø i Telemark
12
11°C
 

Dato

Fredag 21. september 2018

Web-kamera i Bø

Høgskulen
Lifjell

Forfatterarkiv

Opnar verdas første automatiske flyvaskemaskin

Gigantprosjekt. Gründar Svein Gunnar Mæland framfor verdas første heilautomatiske vaskemaskin for fly. Hallen står på Geiteryggen i Skien og er nesten 20 meter høg, 43 meter brei og 63 meter lang. Laurdag skal selskapets fly vaskast i hallen. Foto: MSG Production AS.

MSG Production med Svein Gunnar Mæland i spissen har offisiell opning og verdas første demonstrasjon av den gigatiske vaskehallen for fly på Geiteryggen i Skien i morgo. Statsminister Erna Solberg kjem for å klyppe snora. Firmaet har investert svimlande 80 millionar kroner i prosjektet. No håpar dei at første sal kan nærme seg. Både Torp og eit firma i flyindustrien i Saudi-Arabia er svært interesserte.

I morgon, laurdag, ønskjer MSG over 150 inviterte gjeser velkomen til å sjå vaskehallen i bruk. Interesserte publikummarar er også velkomne til å ta ein kikk.

Sentrumsplan blei godkjent med 15 mot 10

Bø kommunestyre. Stemte over sentrumsplan. 15 hender i vêret for planen og 10 hender imot. Foto: Øystein Akselberg

Bø kommunestyre stemte over ny sentrumsplan for Bø måndag kveld. Etter lang debatt og votering over ei rekkje forslag om endringar frå Høgre, FrP og Ap blei planen til slutt godkjent med 15 mot ti stemmer. Planen blei dermed godkjent som framlagt frå PTN-utvalet, bortsett frå ein endring. Det blir opna for at Bøgata skal ha innkøyring frå gata og ned mot Hellandvegen ved Sparebanken Sør for bilar som kjem frå rundkøyringa. Det mest spesielle ved handsaminga var at både Bø Høgre og Bø Frp med støtte frå Bø Ap foreslo å fjerne dei foreslåtte sykkelfelta i Bøgata. Både Harald Kinck (FrP) og Asbjørn Botnen (H) var opptekne av å leggje til rette for handelsnæringa ved å opprethalde parkeringsreglane slik dei har vore i Bø dei seinare åra.

Les meir om saka i dagens avis.

Varslar om fare for tre over Lifjellvegen

Tre på skakke. Slik ser det ut like nedanfor Østerli gard i Lifjellvegen. Eit tre er på veg til å falle over vegen og heng på nokre leidningar som kryssar over vegen. Foto: Johan Nicolai Ulrichsen

Johan Nicolai Ulrichsen bur i Lifjellvegen og såg torsdag i sist veke at eit tre er i ferd med å falle over Lifjellvegen like nedanfor Østerli gard. Treet heng på nokre leidningar som kryssar vegen. Ulrichsen ringte først Politiet i Bø og blei sett over til hovudsentralen. Der måtte han vente i 10-15 minuttar på svar før han blei spurt ut om både persondata og detaljar angåande treet.
– I dag er det tysdag og treet står på skakke enda. Her er det fare for at treet kan velte og ta leidningane med seg. Det kan bli alvorleg om treet treff ein bil eller folk, seier han.

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje