Sosiale medium

Bø i Telemark
18
10°C
 

Dato

Tysdag 17. oktober 2017

Web-kamera i Bø

Høgskulen
Lifjell

Forfatterarkiv

Fjorden Cowboys rulla på Rallebanen

Cowboyar i bilcross. I laurdagens klubbløp på Rallebanen fekk trioen Joar Førde (f.v.), Svein Eivind Mo Haugan og Thomas Hellekås sine første rundar på bilcrossbana. Spent tilskodar var Thea, dottera til Joar Førde. Fjorden Cowboys var også representert med eigen kameramann. Foto: Øystein Akselberg

Laurdagens bilcrossløp på Rallebanen hadde selebert besøk. Joar Førde frå TV-serien Fjorden Cowboys var på plass. Det var også Byting-karane Thomas Hellekås og Svein Eivind Mo Haugan. Korleis det gjekk får du lese om i Bø blad til torsdag. Kven av dei tre som rulla i bilen sin i debutløpet får du svar på der. Alle dei tre kom uansett heilberga gjennom debuten og er klar til sesongs storløp 30. september.

Lokalderby i Lunde: Storebror var best

Best i begge endar. I lokaloppgjeret mellom Skade og Skarphedin i Lunde i ettermiddag var heimelaget i periodar med på notane i banespelet. Men foran mål i begge endar av banen var dei blå frå Bø suverent best. Foto: Øystein Akselberg

Lokaloppgjer i 4. divisjon, Lunde lørdag 2. september: Skade - Skarphedin 0-6 (0-4)

Allereie etter vel tre minuttar låg ballen i nota bak Skadekeeper Eskil Langkås. Bøheringane gav seg ikkje før det stod 0-6 i målprotokollen. Mats Bru putta tre mål og blei dagens mann, medan Fredrik Tennfjord og Andreas Vreim skåra sine første a-lagsmål for Skarphedin. Tennfjord var også frampå ein gong til. 0-3-målet av Tennfjord var elles ei perle av eit langskot.

Det blei ein grei siger til Skarphedin i ein kamp som aldri var særleg spennande. Skarphedin stilte med eit ungt lag da fire spelarar som har klippekort i startellevaren var ute med kort, skade og anna. På trenarbenken var Øystein Sanden sjef, sjølv om også har kome i gang som trenar for G16 i Odds ballklubb.

Skarphedin gjorde seg ikkje bort

Tøff motstand. Skarphedin sitt ferske 2. divisjonslag i handball møtte eit av landets beste handball-lag i 3. runde i NM-cupen i Gullbringhallen i kveld. Det blei ein artig kamp og heimelaget spela i periodar svært bra. Her er Dag-Bjørnar Lerum i farta. Han skåra fleire fine mål i starten av kampen. Så blei han dyktig sliten. Foto: Øystein Akselberg

3. runde NM-cupen, Gullbringhallen, torsdag kveld: Skarphedin - Haslum 22-34 (9-19).

Det var nok ingen som tvila på kven som skulle stikke av med sigeren i 3. rundekampen mellom det ferske 2. divisjonslaget i Bø og eit av landets desiderte topplag, Haslum. Skarphedin hang med i starten men Haslum gjorde nokre rykk og ved pause stod det komfortabelt 9-19 til toppserielaget. Skarphedin spelte uten respekt og varta opp med mykje bra offensivt spel. Fleire spelarar utmerka seg. Dag-Bjørnar Lerum drog i gang frå start med fleire fine mål, og fleire meldte seg på etter kvart. Bøheringen Ole Gjermund Vreim skåra fleire fine mål frå kant. Elles må kaptein Sebastian Lindell, keeper Magnus Edholm og toppskårar Even Tinnesand nevnast. Totalt sett meir enn godkjent for heile laget. Andre omgang enda 13-15 til topplaget frå Haslum. Det tyder på at bøheringane har god kondis og står kampen ut. Det lovar bra for årets seriespel i 2. divisjon. Rundt 150 publikummarar kosa seg på tribunen. Mykje jubel og taktfast klapping inspirerte gutane ute på parketten.

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje

s2Member®