Sosiale medium

Bø i Telemark
02
18°C
 

Dato

Torsdag 25. mai 2017

Web-kamera i Bø

Høgskulen
Lifjell

Forfatterarkiv

Bøgutar til MGP-junior

Finaleklare. Bandet F5, som står for Fem fine fyrer fra Folkestad, har kvalifisert seg til finalen i Melodi Grand Prix-junior 2017. F.v. Jonas Ofte Holløkken, Knut Olav Kleiv, Sigurd Nesje, Mathias Ladiszlaidesz og Sture Skalstad. Foto: Øystein Akselberg.

Gruppa F5 frå Folkestad har gått heile vegen via auditon og nådd sjølvaste finalen i MGP-junior 2017. Gutane er 14 år, bortsett frå Sture som har fylt 15. 1.250 deltakarar meldte seg på MGP-junior i år, og 25 kom gjennom nålauget til audition hos NRK i mars. Nå er ti finalistar plukka ut til å vere med i finalen som går av stabelen i Telenor Arena i Oslo laurdag 4. november. Då får publikum og heile nasjonen høyre og sjå F5 spele sin eigen song Generasjon prestasjon.

Måndag blei finaleplassen avslørt for gutane av eit NRK-team som gjesta Bø ungdomsskule der alle gutane er elevar. Det blei ordna med brannalarm slik at alle tilsette og elevar samla seg i skulegarden, og der blei gutane som ein spøk peika ut som ansvarlege for å utløyse brannalarmen. Heldigvis var dei berre klare for MGP-junior-finalen.

Det er tredje gong Bø har ungdom i finalen i MGP-junior. Jenteduoen Ida Ursin-Holm og Cecilie Riis Iden var i finalen i 2004, medan bandet Unik4 (Annika Momrak, Eline Nesje, Simen Bakkåker og Audun Rørmark) var med i 2013. Unik4 vann likegodt heile finalen det året.

Første russebuss i Bø

Club Penguin. 17 av russebussens 26 medlemmer samla på eitt brett. Foto: Øystein Akselberg.


Club Penguin heiter bygdas første russebuss. Og ja, det stemmer, det er ein leddbuss. Kjennemerket blir 26 gutar,  eit kraftig lydanlegg og ein 18 meter lang doning.

Bussen er nylakert i heile sin 18 meter lengde av Vestfold kunstdekor og blir absolutt noko folk kjem til å leggje merkje til i tida framover. Den har starta ”rullinga” og har kanskje allereie vore å sjå og høyre i sentrumsgatene.

Gjengen bak den første russebussen i Bø er 26 russ ved Bø vidaregåande skule. Dette er gutar tilhøyrande både frå Bø og bygdene rundt i Midt-Telemark.

Her er medlemmane på bussen: Anders Magnus Ytterbøe, Benjamin Finkenhagen, Bjørnar Østtveit, Brage Langkås, Bård Aslak Fjeld, Christoffer Rasmussen, Daniel Gulbrandsen, Danny Jin Feng, Halvard Ulberg Jansen, Haris Zulic, Jacob Finkenhagen, Joakim Ljosåk, Kevin Matarewicz, Jonathan Chehri, Kristian Ingelstad, Marius Christiansen, Martin K. Johnsrud, Mikael Håndstad, Ole Smeland, Sergio Suarez, Thomas Zweerts, Tom Fossum, Vegard Rygh, Vemund Austad, Emil Eek og Rolv Kluskens Liane.

Gulltrimmen er i gang

Nytt turmål i Gulltrimmen. Alfarnuten på Stoklandsheia er eksempel på eit av dei nye turmåla i årets Gulltrim. Her eit utsiktsbilete frå toppen. Foto: Øystein Akselberg.

Årets sesong med Gulltrimmen er i gang. Startskotet gjekk 9. april. Fleire nye turmål er lagt til, og heile 70 ulike turar er med i ordninga denne sesongen.

Det er Gullbring kulturanlegg som står bak trimkampanjen som først og fremst er ein trimaktivitet for å fremje turglede og skape betre folkehelse. Kampanjen har også eit konkurranseelement i seg ved at deltakarane får poeng for kvar gong eit turmål blir besøkt. Poenga registrerer ein ved å samle dei i ein app på mobiltelefonen. Gullbring lovar fleire nye turmål i år, både i nærområdet og på fjellet, og reknar med at ein i løpet av sesongen vil kome opp i 70 turmål til saman.

 

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje

s2Member®