Sosiale medium

Bø i Telemark
01
19°C
 

Dato

Laurdag 24. juni 2017

Web-kamera i Bø

Høgskulen
Lifjell

Forfatterarkiv

6.264 bøheringar

Folkevekst i Bø. Innbyggjarane står i kø for å flytte til Bø. Foto: Øystein Akselberg

Folketalet i Bø etter første kvartal 2017 var 6.264 personar. Bø har ei auke i folketalet på heile 155 siste heile året.

Folketalet i landets kommunar per 1. april 2017 er nå offisielle. Bø hadde 6.264 innbyggjarar etter første kvartal 2017. Dette er ei auke på to personar sidan nyttår. Veksten siste 12 månader er på heile 155 personar, noko som utgjer 2,5 prosent. Dette plasserer Bø i landstoppen i folkevekst. Sauherad hadde ein vekst på 11 personar i første kvartal, og har nå ei folketal på 4.314 personar. Telemark hadde ein negativ utvikling siste kvartal med seks personar i minus og eit folketal per 1. april på 173.301. Landets folketal var 5.267.146 personar på same tidspunkt.

Heldiggrisane på Nordigard Verpe

Kosegrisar. Birk Lyngdal har hendene fulle med stell av ti grisungar på garden Nordigard Verpe. Foto: Øystein Akselberg

 Ti edelgrisar er skikkeleg svineheldige. Dei har kome på sommarleir hjå bygdas yngste griserøktar, Birk Lyngdal (14), som har ordna sin eigen sommarjobb.

Birk Frideson Lyngdal (14) har med god hjelp av pappa Lars Lyngdal bygd sin eigen grisefarm heime på garden Nordigard Verpe. I fem månader skal dei ale opp ti grisungar. I oktober ein gong er det tid for slakting og kjøtet skal gå til dei som har bestilt. Dei har bygd innhegning med overbygd skur med soveplass, forings- og drikkeplass og eigen luftegard med straumgjerde rundt.
– Dette blir sommarjobben min. Grisungane er cirka 30 kilo nå og når dei er klare for slakting i oktober håpar eg dei veg 150 kilo kvar, seier Birk.
Han har bestilling på sju av dei ti grisane, og har dermed tre i reserve dersom det er fleire som ønskjer seg godt svinekjøt til hausten.
– Eg trur grisane skal få det godt her hjå meg. Dei har slått seg fint til ro her og spring rundt og leikar mykje. Dei gryntar i alle fall fornøgd heile dagen, seier den unge grisebonden på Verpe.

Spleisar på sesongkort i Sommarland

Eit spleiselag med Ingemar Bråten i spissen ordnar gratis sesongkort til femti barn.

Illustrasjonsfoto: Gro B. Røiland  

 

Femti barn i Midt-Telemark får i sommar gratis sesongbillett i Sommarland. Det er fjerde år på rad Ingemar og Mary Bråten får med Sentrumsringen i Bø og Bø Sommarland i eit spleiselag, slik at barn som elles ikkje får besøkt parken på grunn av familiens økonomiske situasjon får sesongbillett.

– Me synest det er viktig å vere med, og det var lett å seie ja til å bidra, seier Olav Tangen og Ole Johan Natadal i Sentrumsringen

Bø frivilligsentral står for utvelginga av ungar og familiar som får glede av ordninga.

– Arbeidet blir koordinert med helsesystrene i dei tre kommunane, NAV-kontora og flyktningtenesta som hjelper med å plukke ut familiar og ungar som av ulike årsaker kan trenge litt hjelp til å sikre at ungane får eit hyggeleg aktivitetstilbod i sommar, seier Ingemar Bråten.

 

Les meir i papiravisa eller kjøp avisa på buyandread.no

 

 

 

 

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje

s2Member®