Sosiale medium

Bø i Telemark
38
-10°C
 

Dato

Fredag 14. desember 2018

Web-kamera i Bø

Høgskulen
Lifjell

Forfatterarkiv

På plass i Stasjonsvegen

Sjefen i systova. Tove Karin Haugen har ansvar for aktivitetn i bunads- og systovearbeidet på Almankås. Ho er glad verksemda nå blir lettare å finne og meir synleg ut mot gata. Foto: Øystein Akselberg.

Almankås Telemarksbunader AS er etter 20 år på Bøsenteret tilbake i sine lokale i Stasjonsvegen. Den tradisjonsrike bedrifta i Bø starta nemleg husflidsbutikk i Stasjonsvegen i 1959. Lokala er nå pussa opp og ombygd både innvendig og utvendig for nær fem millionar kroner. Almankås konsentrerer seg nå om bunadsproduksjon og butikk med alt tilbehør til bunadar, samt stor og fin avdeling for strikkegarn. Almankås har tradisjonar heilt tilbake til 1943 då første systove og veveri blei etablert.

På skjenketoppen i Bø

Skjenketoppen. Dagleg leiar ved Bull Inn, Arild Syvertsen (t.v.), og dagleg leiar ved Pizzafjoset, Lars Olav Stykket. Foto: Øystein Akselberg

Utestaden Pizzafjoset og Bull Inn serverer mest alkoholhaldig drikke i Bø. Skjenkestaden øvst i Bøgata stod for nær halvparten av ølsalet i Bø i 2015.

Skjenkestadane si omsetning av alkoholhaldig drikke for 2015 var nyleg klar frå Bø kommune. Kommunen samlar inn omsetningstal og reknar ut gebyr på salet for kvar enkelt skjenkestad. 14 verksemder har løyve til skjenking av alkohol i Bø, og fem skjenkestader står for det aller meste av det samla salet: Pizzafjoset og Bull Inn, Den Gode Nabo, Bø hotell, Studentkroa og China House Restaurant.

Restauranten Pizzafjoset og puben Bull Inn selde 27.547 liter øl i 2015. Dette er over 47 prosent av mengde øl seld på alle utestadane i Bø.

Den Gode Nabo er klar nummer to med 15.307 liter og studentkroa ligg på ein like klar tredjeplass med 9.119 liter øl.

Les meir om saken i papiravisa eller kjøp avisa på buyandread.no 

Folk til fjells i helga

Stort utfartsdag. Skikøyrarar gjer seg klar til å gje seg i kast med Gleksebakken på Lifjell sundag. Leiar for gruppa er Henrik Halle Høilo. Foto: Øystein Akselberg.

Folk i Bø har tydelegvis venta på vinteren. Sundag blei ein stor utfartsdag på Lifjell. Det var svært mykje folk i Vihusløypa. På Jønnbu myldra det med folk både i skiløypene i Jønnbuområdet og i skibakken i Vinterland. Også innover fjellet var det mykje folk på ski. Fleire prøvde seg på Randonee-ski i Gleksebakken.

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje