Sosiale medium

Bø i Telemark
36
-9°C
 

Dato

Onsdag 17. januar 2018

Web-kamera i Bø

Høgskulen
Lifjell

Forfatterarkiv

Veteranbilløp til Bø søndag

Winter Trial 2016

Til Bø søndag. Over 60 veteranbilar køyrer via Hørte og Folkestad søndag.

Førstkomande søndag kan folk i Midt-Telemark få med seg det internasjonale veteranbilløpet The Winter Trial.

Dette er eit over 100 år gamalt billøp for veteranbilar og det er tredje gong løpet går innom Noreg. Løpet er 2.250 kilometer langt og går gjennom sju fylke og 44 kommunar i løpet av dei seks dagane det varar. 60 bilar er med, dei fleste nederlandske. Nokre få norske bilar er også med. Søndag har dei lunsj i Seljord klokka 13.00. Vidare går ruta via Flåbygd, Lunde, Gvarv, Hørte, Bø Sommarland og over Reshjemheia til Notodden. Løpet går altså ikkje via Bø sentrum. Arrangøren trur at ein er forbi Bø i 15-tida. Bilane skal vere på Notodden klokka 16.15.

Hyttesuksess på Lifjell

Buen Original Jan Einar Stolan Storodde hytte 1

Byggjer hytter på Jønnbu. Jan Einar Stølan viser fram ei Buen-hytte av typen Storodde som snart står innflyttingsklar i Grostulvegen på Jønnbu. Det er ein porsgrunnsmann som skal ha hytta.

Med bøheringen Jan Einar Stølan på laget har BuenGruppen fått fart på hyttebygginga på Lifjell. Samarbeidet med Lifjell hyttetomter AS er ein suksess.

BuenGruppen er av dei leiande hytteprodusentane i landet. Gjennom selskapet Buen Original leverer bedrifta både byggesett og nøkkelferdige hytter og fritidsbustadar på austlandet. I haust har selskapet engasjert seg i heile 15 hyttetomter på Lifjell etter at hovudeigar i BuenGruppen, Arne Moen frå Gvarv, tok initiativ til å få bøheringen Jan Einar Stølan inn som seljar. Stølan hadde då 14 år på baken i jobb hjå Viasat i Oslo. Han har hatt bustad i i Porsgrunn dei siste åra, men har no flytta tilbake til Bø.
– Eg har seld 15 hytter sidan eg kom inn i august. Det er me svært nøgd med, seier Stølan, og kan vise til sal av hytter også på Veggli, Gautefallheia og Vrådal.
Flest hytter har han likevel seld i Jønnbuområdet på Lifjell. Fleire hytter er under oppføring nå og fleire tomter står klare til å byggjast på til våren.
Stølan seier at han har seld hytter nå på sju tomter og har også sju tomter tilgjengeleg til å byggje på om kundane slår til.
– Lifjell som hytteområde er ein uslipt diamant og har alt som skal til for å bli eit attraktivt og godt hytteområde, både vinter som sommar, seier han, og legg til at kjøparane kjem frå Grenland, Drammen og Asker.

Vanskelege grunnforhold

Skogen Gard peling 4 jan 2016 2

146 pelar. Entreprenør Kynningsrud har når dei er ferdig neste veke slått ned 146 pelar på Skogen Gård-prosjektet.

Grunnarbeidet på Skogen Gård-utbygginga har teke lengre tid enn planlagt. Vanskelege grunnforhold må ta skulda.

Veidekke Entreprenør AS står for byggjejobben i Skogenkvartalet i Bø sentrum. Grunnarbeidet tok for alvor til i oktober. Entreprenøren Kynningsrud har hatt pelejobben, medan Noco grunnentreprenør har hatt grunnarbeida. Så langt har 12 til 15 mann vore i sving på jobben.

Anleggsleiar Kenneth Johansen i Veidekke AS seier at grunnarbeidet ligg litt etter planen.
– Me kom seinare i gang enn planlagt i påvente av igangsettingsløyve, i tillegg har me hatt store utfordringar på grunn av grunntilhøva, seier Johansen, og legg til at det handlar om at pelane knekk når dei treff steinavsettingar i grunnen.
– Me reknar med å vere ferdige med pelinga i midten av neste veke, seier han.
Når jobben er gjort er det banka ned 122 pelar pluss 24 som er knekt. Dette er alt i alt noko fleire enn planlagt.

Les meir om prosjektet i vekas papiravis.

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje

s2Member®