Sosiale medium

Bø i Telemark
02
28°C
 

Dato

Måndag 25. juni 2018

Web-kamera i Bø

Høgskulen
Lifjell

Befaring og markering ved Oterholtfossen

Stille markering. Facebook-gruppa «Lat Oterholtfossen bruse» er på plass med bannarar og mykje folk. Foto: Øystein Akselberg

Olje- og energidepartementet (OED) si synfaringa pågår ved Oterholtfossen akkurat nå. Mykje folk har stilt opp for å markere motstand mot ei eventuell utbygging av fossen. Gruppa «Lat Oterholtfossen bruse» hadde bannerar og det var hengt opp mange bilete av fossen rundt omkring ved fossen og på Kvennøya.

NVE har tidlegare gått imot å byggje ut Oterholtfossen etter planane til Midt-Telemark Energi, men OED har siste ordet og det ønskjer ei ny synfaring før det tek endeleg avgjerd.

 

NRK er på plass og intervjuar demonstrantane.

To elvepadlarar og ein fiskar synte fram elva sine kvalitetar.

@

Nokre ungar kosa seg på Kvennøya.

Brann i verkstad på Gvarv

 

 

Naudetatane er på staden og sløkningsarbeidet pågår for fullt. Foto: Gro B. Røiland 

 

Det brenn i ein verkstad i Hørtevegen sentralt på Gvarv. Naudetatane er på staden og sløkningsarbeidet pågår for fullt.

Politiet melder på Twitter at ein person er skadd og frakta i ambulanse frå staden etter at vedkommande fyrst fekk fyrstehjelp.

Det skal ikkje vera eksplosjonsfare, og brannen er avtakande, opplyser politiet. Det er brannmannskap både frå Sauherad, Bø, Ulefoss og Notodden med i arbeidet.

Brannen skal ha oppstått i samband med ein båt. Det var i elleve-tida sundag det blei meldt om brann i Hørtevegen.

 

Musikkfestival for alle

Lye skolekorps frå Rogaland spela på Bø sjukeheim i dag. Foto: Gro B. Røiland

 

Årets Sommarlandfestival er inne i sin siste dag, og framleis kan ein høyre korpsmusikk mange stader i bygda. I løpet av helga har 42 korps og to kor besøkt og spela i Sommarland og Bø sentrum.

I føremiddag spela Lye skolekorps frå Rogaland, Eikli skolekorps frå Ringerike og Tynset skolekorps på Bø sjukeheim.

 

Les meir om Sommarlandfestivalen i Bø blad i papiravisa torsdag.

 

 

 

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje