Sosiale medium

Bø i Telemark
03
18°C
 

Dato

Tysdag 19. juni 2018

Web-kamera i Bø

Høgskulen
Lifjell

Telemarkskunst på Åbø

160616-utstilling-Elisabeth-de-Lunde-nett

Elisabeth de Lundes tørste engel er eit av mange flotte bilete på Galleri Telemark si sommarutstilling. Foto: Gro B. Røiland  

 

Sundag opna Galleri Telemark på Åbø Gård årets sommarutstilling. Igjen har gallerist Hege Håkonsen samla eit stort og solid knippe kunstnarar frå heile fylket.

I alt 31 kunstnarar er representerte på utstillinga. Her er noko for dei fleste kunstsmakar.

Fleire av kunstnarane har stilt ut i Galleri Telemark tidlegare. Blant andre Elisabeth de Lunde, som i år har med eit humoristisk maleri av ein tørst liten engel.

 

Les meir om utstillinga og kunstnarane i papiravisa torsdag 16. juni. Da er avisa også tilgjengeleg digitalt på buyandread.com. 

 

 

 

Handballfesten i full gang

160616-cup-mandal

Denne glade gjengen med jenter 11 år frå Mandal & Halse I.L. var strålande fornøgd med cupen. I dag koste dei seg i Sommarland før kamp. Foto: Gro B. Røiland 

 

Bø Sommarland Cup er i full gang, med omlag 1600 unge handballspelarar frå heile Sør-Noreg på plass i bygda. Alle kampane foregår i Telemarkshallen, der det er fullt kjør frå klokka åtte på morgonen. Når dei siste kampane går i 20.30-tida i kveld, har 169 kampar vore avvikla i hallen i dag.

Dei unge handballspelarane går i skytteltrafikk mellom handballkampar og vassklier. Bø blad møtte mellom andre 29 11-åringar frå Mandal som var kampklare etter eit par timar med leik og moro i Sommarland.

– Kosleg, gøy, morosamt og mange gøye og skumle sklier, var kommentarane me fekk om cupen og Sommarland frå dei unge spelarane.

– Veldig godt opplegg, var kommentaren frå dei vaksne i fylgjet frå Mandal.

Bø Sommarland Cup held fram sundag med fleire kampar og sluttspel.

 

Les meir om handballcupen i papiravisa 16. juni.

 

 

 

 

45 prosent ja, 44 prosent nei

Samanslåing-bø-sauherad

 

Nesten heilt likt om kommunesamanslåing 

45 prosent svarar ja, 44 prosent svarar nei, 11 prosent veit ikkje.

Feilmarginen er ifølgje rapporten på 3,7 prosentpoeng.

Heilt nøyaktig vart resultatet 45 prosent ja, 44,3 prosent nei og 10,7 prosent veit ikkje. 600 personar har svart. Det er resultatet frå meiningsmåling om Bø kommune og Sauherad kommune skal slå seg saman. Det opplyser Bø kommune på sin heimesider på Internett.

I Sauherad seier 65,9 prosent ja medan 24,7 prosent svarar nei. 9,3 prosent veit ikkje.

Opinion skriv i rapporten at dersom ein tek ut veit ikkje-stemmene blir resultatet i Bø 50,4 for og 49,6 imot samsanslåing. Men forskjellen er så liten at den ikkje er statistisk signifikant. Det vil seie at det ligg innan for feilmarginen og derfor kan ein ikkje seie sikkert at det er fleirtal for. Opinion forklarar at det alltid vi vere knytt ei viss usikkerheit til slike undersøkingar. Grunnen er at utvalet ikkje er identisk med gruppa det gjeld.

Resultatet for Sauherad er derimot signifikant. Forskjellen mellom ja og nei er større enn feilmarginane.

Saka skal avgjerast i kommunestyret torsdag 16. juni. Rådmannen tilrår at kommunestyret seier ja til å slå seg saman med Sauherad kommune frå 1. januar 2020.

 

 

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje