Den profilerte språkvitaren Sylfest Lomheim held foredrag på Kjernehuset, Gvarv, i dag. Foto: Jan Arve Olsen, UiA
Om kvardagsspråk og religiøst språk
Det er tema når den profilerte språkvitaren Sylfest Lomheim kjem til Gvarv. Han skal halde foredrag på Kjernehuset i dag, tysdag. Det er Telemark Kyrkjeakademi, Telemark mållag og Nes mållag som står bak arrangementet.
– Det heilage blir etablert gjennom språkbruk. Med andre ord er det heilage menneskeskapt. Detter er innfallsporten til foredraget om korleis sambandet er mellom språkbruken og det heilage, skriv arrangørane i ei pressemelding.
I tillegg til å ha vore den første direktøren for Språkrådet har Lomheim vore statssekretær og er professor i norsk og omsetjing.