Siri Avlesen Østby og Davy Wathne er programleiarar under fredagens show i Sommarland. Foto: TV2
Torsdag startar TV2 rigginga til fredagens store sankthansshow i Bø Sommarland som blir direktesendt same kveld på TV2. Programleiarar for showet er to kjende fjes frå TV2-sporten, Siri Avlesen Østby og Davy Wathne. Dei skal halde showet igang både for publikum i parken og dei som sit heime og ser på tv.
Tv-sendinga har også innslag frå sankthansfeiringa i Norsjø ferieland. Her opptrer blant andre Tinndølan.
Eit solid stjernelag av artistar og idrettsfolk skal på scenen i Sommarland. Det blir musikk av Postgirobygget, Atle Pettersen, Sandra Lyng og artistlaget Anita Skorgan, Christian Ingebrigtsen, Espen Grjotheim, Reidun Sæther og Heidi Ruud Ellingsen som syng sommar-hitar. Frå skifestivalen deltar Martin Johnsrud Sundby, Maiken Falla og Astrid Urenholdt Jakobsen.