Stasjon i vinterskrud

På Nordagutu stasjon (112,1 m.o.h.) møter Bratsbergbanen, som går frå Nordagutu til Skien, Sørlandsbanen, som går mellom Oslo og Stavanger/Kristiansand. I dag er stasjonen einaste overgangsstasjon mellom desse jernbanestrekningane. Stasjonen blei opna i 1917, og arkitektane som teikna stasjonsbygget var Gudmund Hoel og Niels Winge Grimnes. Stasjonsområdet blei førebels freda i 2001.