Sosiale medium

Bø i Telemark
38
-10°C
 

Dato

Fredag 14. desember 2018

Web-kamera i Bø

Høgskulen
Lifjell

Forfatterarkiv

Gode hjelparar i 70 år

Dei har alle vore leiarar i Gvarv Røde Korps hjelpekorps; f.v. Liv Schia, Sondre Rulnes Røstad, Jarl Olav Rugtveit og Torstein Sannes. Foto: Gro B Røiland

 

I november 1948 blei Gvarv Røde Korps hjelpekorps skipa, med Halvor Teksten som pådrivar og eldsjel. Gjennom 70 år har hjelpekorpset vore ein viktig bidragsyter og hjelpar i Midt-Telemark. Me finn dei på Lifjell gjennom heile vinteren, dei er med og leitar viss folk kjem bort og dei er på plass når tusenvis av barn og unge møtest på cup.

– I løpet av året behandlar me rundt 2000 pasientar, seier leiar Sondre Rulnes Røstad.

I kveld blir jubileet markert på Gvarv der det heile starta.

 

Les meir om Gvarv Røde Kors hjelpekorps i papiravisa.

 

Folkelarmprisar til Mattis og Anders

Mattis Kleppen med plata Bassgitar, som laurdag kveld vann Folkelarmprisen 2018 i Open klasse. Foto: Gro B. Røiland

 

To bøheringar var nominerte til Folkelarmprisen 2018 og begge fekk pris. Mattis Kleppen fekk for plata Bassgitar i Open klasse. Anders Røine, som saman med Marit Karlberg utgjer duoen Sudan Dudan, fekk pris for «Heimen der ute» i klassa Tradisjonelt samspel.

Folkelarm er folkemusikken og verdsmusikkens eigen platepris, som har vore delt ut sidan 2005.

Kriteria i Open klasse som Mattis Kleppen vann, er at platene bidrar til å utvikle folkemusikk som kunstnarisk uttrykk basert på tradisjonell musikk. Musikken skal ha tradisjonelle former i botn, men kan være grensesprengande i uttrykk.

I klassa Tradisjonelt samspel der Sudan Dudan gjekk til topps, skal dei nominerte bidra til å fremje samspell i tradisjonelle former.

På Folkelarm i fjor blei Anders Røine kåra til Årets folkemusikar. Samme pris blir delt ut i kveld sundag på Meisterkonserten i Operaen. På denne konserten deltar  bøheringane Ingebjørg Bø med dans og Per Anders Buen Garnås med spel.

 

I fjor blei Anders Røine årets folkemusikar, i år blei det Folkelarmpris til Sudan Dudan. Pressefoto

NRK-Gjermund fekk Målblomen

NRK-journalist Gjermund Erikstein-Midtbø frå Bø er heidra med Bø mållags Målblome. Foto: Gro B. Røiland

 

Han er sportsjournalisten som har spreidd Bø-orda håkken, hått, hårre og håssen ut over Noreg gjennom NRK-sporten. Torsdag kveld kom Gjermund Erikstein-Midtbø heim til Bø for å ta imot Bø mållags Målblome for framifrå bruk av dialekt og nynorsk. Det er ein heider han set stor pris på.

– Dialekt er noko eg har vore veldig bevisst på og kjempa litt for, så det er stas at nokon har fått det med seg, seier Erikstein-Midtbø.

 

 

Les meir i papiravisa torsdag 15. november eller i e-avisa

 

 

 

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje