Sosiale medium

Bø i Telemark
01
-2°C
 

Dato

Sundag 24. mars 2019

Web-kamera i Bø

Høgskulen
Lifjell

Forfatterarkiv

Augon frå Gvarv tok gull

Kari Nyhuus Holtskog og Halvor Holtskog (midten) saman med prisutdeler Arne Hjeltnes og Bernt Bucher Johannessen i næringsorganisasjonen Hanen. Foto: Fredrik Solstad, Hanen

Eplemost og fruktvin frå Sauherad er blant det beste i landet. Det blei nok ein gong stadfesta under kåringa av Noregs beste eplemost, eplesider og fruktvin denne veka.

I klassa Årets blandingsmost gjekk mosten Augon frå Nyhuus Gard på Gvarv heilt til topps. Nyhuus Gard slo dermed seg sjølv, for på andreplass kom Vår egen eplemost, laga av Nyhuus til Thon hotell Lofoten. Dermed blei det to pallplasseringar på eplemostprodusenten.

– Konkurransen er kjempetøff, så me er audmjuke og ser dette som ei veldig oppmuntring, seier Halvor Holtskog frå Nyhuus Gard.

I kategorien Årets fruktvin utmerka Lerkekåsa Vingård seg, også med to pallplasseringar. Vinen Mormors hage med bringebær kom på andre plass, mens Gull Eple, også frå Lerkekåsa, tok tredjeplass.

Det var i år rekorddeltaking med 40 produsentar og 130 ulike produkt. Elleve fylke var representert. Frå Telemark deltok sju produsentar.

Konkurransen blei fyrste gong arrangert på Norsk Eplefest på Gvarv i 2009.

– Etter ti år ser me at dyktige og kvalitetsbevisste produsentar landet rundt er opptatt av konkurransen, og dommarane er høgt kompetente fagfolk innan mat og drikke. Me kan markere ti-årsjubileet i trygg forvissing om fortsatt vekst i vidareforedling og utvikling hos fruktprodusentane i heile Noreg, seier Eivind Lønheim, styreleiar i Norsk Eplefest.

Sagavoll mot nye høgder

Sindre Sørensen og Elise Sæther stortrivst på Sagavoll folkehøgskole. Rektor Kjersti Versto Roheim gler seg over fornøgde elevar og gode søkartal til neste skuleår. Foto: Gro B. Røiland

Folkehøgskule er i vinden, og Sagavoll på Gvarv er ikkje noko unntak. Rektor Kjersti Versto Roheim kan gle seg over betre søkartal enn på mange år.

Fredag 1. februar starta hovudopptaket til neste skoleår. Dagen før var talet på søkarar til Sagavoll oppe i 303 personar, noko som er ein auke på 26 prosent samanlikna med fjoråret. På same dato i 2018 hadde 240 personar søkt plass.

Rektor Versto Roheim jublar over dei høge søkartala. Trenden er den samme også elles i landet, folkehøgskule er populært som aldri før.

Les meir i papiravisa eller i e-avisa på boblad.no

Vellykka med heiltidskultur

Einingsleiar Martin Ytreland har god støtte frå dei tilsette på bygdeheimen i heiltidskulturprosjektet. Bak f.v. Hilde Verpe, Hanne Mathilde Kigen og Hanne Rugtvedt. Foto: Gro B. Røiland

På Sauherad bygdeheim er tolvtimarsvakt kvar fjerde helg blitt normen. Det trivst tilsette og bebuarar godt med.

Sidan 2016 har Sauherad jobba med å få heiltidskultur inn i Sauherad kommunes helse- og omsorgsarbeid. Enkelt sagt handlar det om å sette brukaren i fokus og gje betre tenester, gjera deltidsstillingar om til fulltid og styrke grunnbemanninga med færre ufaglærde og fleire faglærde.

Turnus med lange helgevakter er ein del av kabalen. Nå går dei fleste tilsette tolv timars vakter kvar fjerde helg.

Les meir om heiltidskulturprosjektet i Sauherad i papiravisa eller i e-avisa på boblad.no.

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje