Sosiale medium

Bø i Telemark
07
2°C
 

Dato

Tysdag 26. mars 2019

Web-kamera i Bø

Høgskulen
Lifjell

Forfatterarkiv

Eplehelsing frå Sauherad

 

161019-eple1

Makta i Midt-Telemark og Telemark fylke fekk smake eple frå Sauherad sist måndag.

 

I 1990 etablerte Opplysningskontoret for frukt og grønt Den Norske Epledagen 17. oktober. Fruktkommunen Sauherad var sjølvsagt med, da dagen blei markert sist måndag.

På Gvarv er det fast ordning med utdeling av eple til skuleelevane kvar dag, men på epledagen sender kommunen også smakshelsing til gode naboar. Ordførarar og rådmenn i Notodden, Skien, Nome og Bø fekk eple og eplemost av beste slag, ein smak fekk også fylkesmannen og fylkeskommunen. I tillegg fekk barnehagar, legesenter og andre institusjonar og støttespelarar ein smak av haustens godsaker.

Eple er eit svært populært produkt i Noreg. Kvar nordmann et ifølge Opplysningskontoret for frukt og grønt litt over 10,6 kg i året. I 2015 hadde me eit totalt forbruk på 55 178 tonn. Nest etter bananer er eplet vår store frukt. Eple kjem opphavleg frå Kasakhstan og Kaukasus, men har i Noreg nærmast blitt synonymt med norsk matproduksjon.

 

Vil lære barn å spela volleyball

161016-minivolleyball

Marius Norli, leiar i Bø Volleyballklubb, og trenarane Tonje Emilie Stenstad (f.v.), Marie Mæland, Veronica Brekke og Liv Aarebakk vil ha barna med på volleyballbanen. Foto: Gro B. Røiland

 

Bø Volleyballklubb (Bø VBK) startar onsdag 19. oktober med minivolleyball for barn i alderen 5 til 12 år. Alle barn som er nysgjerrige på volleyball kan møte opp i gymsalen på Bø skule denne onsdagen. Her kan dei få ein smak på volleyballsporten.

– Denne kvelden er ei open trening utan at ein treng forplikte seg vidare, seier Marius Norli, leiar i Bø VBK.

Interessa for volleyball er ifølge Norli aukande i Bø, både hos gutar og jenter. Klubben blei starta i 2006, og nå ynskjer klubbstyret å satse meir på dei yngste. Minivolleyball er eit rekrutteringsprosjekt frå volleyballforbundet sentralt.

 

Les meir om det nye tilbodet i papiravisa eller kjøp avisa på buyandread.no

Pass på sykkelen din

161007-sykkeltjuveri-bosenteret-04

Mange syklar har blitt stolne i Bø i det siste. Illustrasjonsfoto: Marta Kjøllesdal

– Det har vore mange sykkeltjuveri i Bø i det siste. Folk må passe på syklane sine. Det seier Cato Listaul ved Bø og Sauherad lensmannskontor.

Han opplyser at det har vore ein auke i sykkeltjuveria i Bø. Det gjeld både vanlege syklar og dyrare syklar. Listaul seier også at sykkeltjuveri er vanskeleg å finne ut av.

Ifylgje skadestatistikk frå Finans Norge som er hovudorganisasjon for finansnæringa i Noreg, blei det i 2015 meldt nærmare 12.000 syklar stolne. Det var ein tilbakegang på 2,8 prosent samanlikna med året før.

Det blei i 2015 utbetalt 69 millionar kroner i erstatning, mens forsikringsselskapa året før måtte ut med 70,4 millionar kroner i erstatning for stolne syklar.

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje