Sosiale medium

Bø i Telemark
12
6°C
 

Dato

Onsdag 16. oktober 2019

Web-kamera i Bø

Høgskulen
Lifjell

Forfatterarkiv

Kven er best i Midt-Telemark?

Serieavslutning. Tysdag 22. oktober går siste seriekamp i kretsligaen. Da får ein avgjort kven som er det beste laget i Midt-Telemark. Arkivfoto.

Siste serierunde 22. oktober vil avgjere om det blir Skarphedin i Bø eller Ulefoss/Skade som kan sole seg i glansen av å ha Midt-Telemarks beste fotballlag for herrar. Før siste serierunde ligg Skarphedin eitt lite poeng over Ulefoss/Skade og har 4. plassen på tabellen.

Nest siste serierunde i kretsligaen, 4. divisjon for herrer, gjekk i går kveld. Skarhedin tapte 5-3 borte mot Odd 3 etter ein god kamp. Ulefoss/Skade imponerte og klarte uavgjort 2-2 borte mot suveren divisjonsvinnar Urædd. Dette blei første poengtapet på heimebane for Urædd i årets serie, og dermed ei fjær i hatten til Ulefossingane.

22. oktober skal det avgjerast: da møter Skarphedin botnlaget Herkules, medan Ulefoss/Skade møter eit anna botnlag, Tollnes. Begge lokallaga har heimekamp. Etter alle solemerke skal det bli heimesiger i begge kampane, men det skal spelast først.

To bøheringar som har forlate Skarphedin skåra mål både for Odd og Ulefoss/Skade i desse kampane: Sander Mæland skåra eitt for Ulefoss/Skade, medan Oskar Kolstad Nordskog skåra tre for Odd 3. Han har forøvrig skåra 22 mål for Odd 3 på 25 kampar i årets sesong.

Mariann møter Johaug

Deltek i NM terreng. Mariann Roe har starta å konkurrere etter over eit år med sjukdom og opptrening. Her er ho etter å ha vunne sist helgs motbakkeløp i Nissedal. Foto: privat

Mariann Roe (22), Skarphedin friidrett, deltok etter sjukdom i sin første konkurranse på godt over eitt år sist helg. Då vann ho kvinneklassen i eit motebakkeløp i Nissedal. Sundag er ho påmeldt eit nytt løp og det er ikkje kven som helst ho møter der. Det handlar nemleg om NM i terrengløp, seks kilometer lang løype, senior. Det skjer i Frognerparken i Oslo komande sundag. Her møter ho løpseliten i Noreg, samt skistjerna Therse Johaug.

Dette blir Mariann sitt første NM-terrengløp i seniorklassa i lang løype. Ho har delteke i senior kort løype i fjor vår før ho blei sjuk. Da blei det bronse.

– Eg håpar ingen har store forventingar til ein god prestasjon. Eg deltek rett og slett for å trene på å konkurrere, og få meir erfaring i erfaringsbanken, seier Mariann til Bø blad.

Nytt og fint på Brenna

Fin-fint bygg på Brenna. Stian Sveinsson (f.v.), Tor Magne Nevestveit og Sigmund Verpe er svært nøgde med det nye administrasjonsbygget til Telemark Byggentreprenør på Brenna. Byggfirmaet tok nyleg sitt nye hus i bruk. Foto: Åsne Mæland

Telemark Byggentreprenør (TBE) viser at det går an å byggje fine hus på industri-tomter også. I Midt-Telemark Næringspark på Brenna mellom Bø og Gvarv har det vore byggjeaktivitet på fleire tomter det siste året. Bak på næringsområdet har bygget for nytt lensmannskontor kome opp og som eit signalbygg mot vegen har TBE bygd sitt nye og flotte kontor- og lagerbygg. TBE har gjort det meste sjølv, heilt frå teiknebordet. Og det har verkeleg blitt eit flott og interessant bygg. I dagens avis kan du lese meir om saka.

Dagens Bø blad har eit 32-siders bilag på Bygg og bustad. Her er mykje stoff frå både Sauherad og Bø.

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje