Sosiale medium

Bø i Telemark
07
2°C
 

Dato

Torsdag 21. november 2019

Web-kamera i Bø

Høgskulen
Lifjell

Forfatterarkiv

Rekordtidleg sesongstart

Lifjell i dag. Vinteren har kome. Slik såg det ut ved løypa mot Glekse i dag, 20. november.
Foto: Ingrid Marie Brukås

Det er rekordtidleg sesongstart for ski og aking på Lifjell. Det er kome godt med snø og kjentfolk melder om eventyrlege forhold.

Det meldast om mykje snø og ein rekordtidleg start på vintersesongen på Lifjell. Sundag nytta mange høve til ein tidleg ski- og aketur på Lifjell i det fine vintervêret. Lifjell skisenter melder at løypene rundt på Jønnbu er køyrt opp. Løypekøyrar Folkestad har også hatt den første turen opp mot Glekse og køyrt tråkkemaskina opp til hyttene under Tunglijuvet. Nokre som veit kva dei snakkar om (les Brukås) seier det er kome over 60 centimeter snø i høgda og at det no er eventyrlege forhold.

Lifjell skisenter opnar vinterlandheisen komand laurdag.
– Det blir historisk tidleg opning av Vinterlandheisen. Me gledar oss til ny sesong og håpar å sjå mange glade skikøyrarar i løpet av helga, seier Kari Anne Norheim Hanstad i Lifjell skisenter.

Tidlig opning. Lifjell skisenter opnar vinterland-heisen komande laurdag. Slik såg det ut sist sundag.
Foto: Øystein Akselberg

Dobbel Røine på Folkelarm

Fekk pris: Vinnar av Folkelarmprisen i kategori solo, Johanne Flottorp
Foto: Knut Utler

Utdelinga av Folkelarmprisen 2019 gjekk av stabelen i Oslo laurdag kveld. To av prisane kan knyttast til Bø, sidan både Anders Røine og Johanne Flottorp fekk tildelt prisar. Røine var involvert i to prisar.

Duoen Røine/ Warg (Anders Røine og Daniel Sandén Warg) blei vinnar av open klasse for plata Bibopalula. Vinnar av kategori solo blei Johanne Flottorp, opphaveleg frå Åmli i Aust-Agder, men som nå har tilknytting til Bø. Plata som også heiter «Johanne Flottorp» er gjeve ut på Ta:lik.

Fotograf Knut Utler fekk pris for beste folkemusikkfotografi. Og person på bilete var munnharpespelar Anders Røine. Bjørn Kåre Odde frå Garmo blei årets folkemusikar, medan Osafestivalen på Voss blei årets arrangør. Årets lokallag i FolkOrg er Trysil-Knut Dans- og Spelmannslag.

Folkelarm har sidan starten i 2005 delt ut Folkelarmprisen (Norwegian Folk Music Awards). Prisen blir delt ut til folkemusikkutgjevingar det siste året. Kategoriane har variert fra år til år, og i 2019 var det fire kategoriar: Solist, Tradisjonelt samspel, open klasse og dokumentasjon, i tillegg til årets folkemusikar og FolkOrgs arrangørpris.

I tillegg til konsertane er Folkelarm ein møteplass for norsk og utanlandsk musikkbransje.

Arrangementet er eigd og drifta av FolkOrg – organisasjon for folkemusikk og folkedans.

Ny møteplass på Gvarv

God stemning på barseltreff. Dagleg leiar på Frivilligsentralen i Sauherad, Kristin Tangen Tolo, skjenkar kaffi til Anlaug Grave, Veronika Froastad Andersen med Elias, Inger Johanne Holst Flathus med kittil og Hanna Nyborg Storm med Åse. Annakvar veke er det barseltreff på Kjernehuset. Foto: Gro B. Røiland

Den nye frivilligsentralen på Kjernehuset på Gvarv har blitt ein viktig møteplass for både store og små. Både etter-skuletid-tilbodet og ungdomsklubben samlar stadig fleire. Stemninga på barseltreffet er på topp når dagleg leiar Kristin Tangen Tolo skjenkar kaffi.

Les om saka i dagens Bø blad.

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje