Sosiale medium

Bø i Telemark
01
-6°C
 

Dato

Tysdag 11. desember 2018

Web-kamera i Bø

Høgskulen
Lifjell

Forfatterarkiv

Størst i Telemark

Sandvoll stadion barnefotball 5. sept 2016 1523 J 2008 jentetrening i motsol Karlbom Dahle

Mange jentelag. Måndag var det full fart på treninga til jenter 2008. Dei trena på ei av dei nye kunstgrasbanene. Foto: Øystein Akselberg

Største klubben i fylket. Skarphedin fotball har auka talet på lag frå 33 til 44 siste to år. Barne- og ungdomsfotballen blomstrar etter at all aktivitet blei samla på det flotte anlegget på Sandvoll. Klubbleiinga rosar den gode dugnadsånda i klubben og er glad for at Sandvoll no har eit godt miljø som samlingsstad for både spelarar. Aktiviteten er så stor at klubben får utfordringar med trafikkavviklinga og ein sikker tilkomst for dei syklande.

Ny havreåker på Nordigard Erikstein

 

160901-hans-ole-saetra-erikstein-og-oyvind-erikstein-havreaker-nordigard-erikstein-11

Nydyrking på Vreimsida. Brukar Hans-Ole Sætra Erikstein og grunneigar Øyvind Erikstein midt ute i den nye havreåkeren på Nordigard Erikstein.

 

 

På Nordigard Erikstein er havreåkeren snart klar for tresking. Det blir første avling på eit 45 mål stort nydyrka område.

Gardbrukar Hans-Ole Sætra Erikstein ser nøgd ut over den 45 mål store havreåkeren han leiger på Nordigard Erikstein.
– Det ser veldig bra ut. Eg håpar at det kan bli 500 kilo per dekar. Det er langt over det eg forventa sidan det er første året med drift etter at arealet er nydyrka, seier Sætra Erikstein.
Arealet var i bruk som beite på 1960-talet og har seinare vore eit skogsområde. Etter å ha fått godkjenning til omdisponering frå skogbruks- til jordbruksareal starta arbeidet med nydyrkinga hausten 2013.
– Dette har vore dels idealisme og dels langsiktig tenking, seier Sætra Erikstein.
Grunneigar Øyvind Erikstein er både nøgd og svært imponert over arbeidet som er gjort.
– Hans-Ole har vore ivrig og stått på, seier han, og legg til at nå har garden fått eit større samanhengande dyrka areal som gjer drifta meir rasjonell.
Begge rosar Bø kommune for å gje støtte frå næringsfondet til nydyrkinga.

UM-gull til Mariann Roe

Mariann Roe nov 2015 5

Gull i nasjonalt meisterskap. Mariann Roe sikra seg gull i ungdomsmeisterskapet i helga. Arkivfoto: Øystein Akselberg

Mariann Roe var fredag på plass i Sandnes på årets siste viktige baneløp for hennar del. Ungdomsmeisterskapet er noregsmeisterskap for ungdom i alderen 15-19 år. Mariann sprang inn til ny pers og UM-gull på distansen 3.000 meter i klassen Jenter 18-19 år. Tida blei gode 9.40.90.
– Banesesongen blei avslutta med gull og ny pers, seier Mariann sjølv på Facebook, og sender ein stor takk til alle som har vore med og heia henne fram til nye persar og gode plasseringar. Ho takkar også sponsorane som støttar både henne og klubben.

Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje