Kongepokalvinnarar. Ingebjørg Brattheim Bø og Ola Narverud vann kongepokalen i klassen dans hardingfele A på Landskappleiken i 2017.
Deltek på Meisterkonserten
Den 11. november er det Meisterkonsert i Den Norske Opera og Ballett. Då skal blant anna bøheringane Ingebjørg Brattheim Bø og Per Anders Buen Garnås delta.
Det skriv organisasjonen Folkorg i ei pressemelding.
På Meisterkonserten slepp nokre av vinnarane frå Landskappleiken og Landsfestivalen i gammaldansmusikk dei to siste åra til på scena. Det gjer Meisterkonserten til den største konsertarenaen for folkemusikkutøvarar, ifølgje Folkorg.
Ingebjørg Brattheim Bø vann saman med Ola Narverud, kongepokalen i klassen dans hardingfele A i 2017. Årets vinnarar i same klasse, Hege S. Johnsrud og Sigbjørn Rua, kjem også til Operaen.
Per Anders Buen Garnås vann for fjerde gong hardingfele klasse A i år og skal også delta. Han får følgje av Thov G. Wetterhus som vann klassen eldre folkemusikkinstrument i år med munnharpesepelet sitt. Det var femte gongen han vann denne klassa.
Meisterkonserten blir arrangert same veka som Folkelarm, bransjetreffet for folkemusikk.