180104-Olav-Kielland-Raudmyr-28-b

Komponistbustad til sals


Småbruket Raudmyr i er lagt ut for sal. Det var heimen til komponist og dirigent Olav Kielland.

Olav Kielland var ein internasjonalt kjend dirigent fødd i 1901. Han var utdanna som dirigent i Leipzig og Paris og var dirigent og kunstnarleg leiar i Filharmonisk Selskap i Oslo. Han var også gjestedirigent i byar som Paris, London, Berlin, New York, Brussel og Helsingfors og ein kjend komponist. Kielland bygde opp symfoniorkesteret i Reykjavik.

Til Bø kom Kielland i 1941. Han fortel sjølv i eit intervju på NRK at heimen her betyr uendeleg mykje for han. Her går elva som ein halvsirkel rundt plassen og han kan høyre fossen.

Kielland kom til Bø for å lære folkemusikken å kjenne. Det var spesielt storspelemannen Torkjell Haugerud som drog han hit. Spelemann Torgeir Straand fortel at han gjerne ville høyre spelet til Alfred Amundsen òg. Amundsen har mura peisen i stova på Raudmyr.

No er altså småbruket på 25 mål med fleire hus og utsikt til Herrefoss til sals.

Bø blad har tidlegare skrive om Kielland. Sakene finn du i eavis-arkivet.