Sosiale medium

Bø i Telemark
33
-4°C
 

Dato

Laurdag 16. februar 2019

Web-kamera i Bø

Høgskulen
Lifjell

Nominert til spellemann

Sudan Dudan er nominert i klassen for folkemusikk og tradisjonsmusikk.

Tre av dei nominerte til Spellemannprisar har tilknytting til Midt-Telemark.

I dag blei nominasjonane til årets Spellemannspris offentleggjort: 91 artistar er nominert i 24 kategoriar. Spellemann 2018 går av stabelen laurdag 30. mars på Chateau Neuf i Oslo.

Fleire av nominasjonane har tilknytting til Bø og Midt-Telemark: Sudan Dudan er nominert i klassen for folkemusikk og tradisjonsmusikk for plata «Heimen der ute». I duoen finn ein Anders E. Røine frå Bø og Marit Karlberg. I same kategori er Johanne Flottorp, frå Åmli, nominert for plata i i sitt eige namn. Ho har tilknytting til Bø både som hardingfelelærar her og med sambuar frå Bø. Gruppa The Northern Belle er nominert i country-klassen og her er Flottorp ein av musikarane.

I klassen for samtidsmusikk er Telemark kammerorkester nominert for plata Chasing Strings. Her er det, og har vore, fleire musikarar frå Midt-Telemark.

Spellemannprisen er ein årleg prisutdeling som skal heidre norsk musikk i alle sjangrar. Prisen blei etablert og delt ut første gong i 1973 for plateåret 1972. Utdelinga blir arrangert av Spellemann AS, som er oppnevnt av IFPI Norge og FONO. 

Årets arrangement blir leia av Tarjei Strøm og Julie Bergan.

Del artikkel...Share on Facebook
Facebook
Share on Google+
Google+
Tweet about this on Twitter
Twitter
Bø blad

Bø blad er ei uavhengig lokalavis for Bø kommune i Telemark. Bø blad arbeider etter Redaktørplakaten, Ver Varsam-plakaten og Tekstreklameplakaten sine retningsliner for god presseskikk. Ansvarleg redaktør: Hilde Eika Nesje