Sommarland opnar. Avtroppande direktør Mattis Willms (t.v.) og ny direktør Rene Langeveld Sas ønskjer bygdefolket velkommen til prøveopning av parken fredag ettermiddag.
Bø Sommarland har sin første opningsdag i morgon, laurdag. Då er bygda full av gjester i samband med Sommarland fotballcup som Skarphedin arrangerer. I dag er det likevel klart for prøveopning berre for bygdefolket i Bø. Meir som ein roleg oppstart for parken og alle dei sesongtilsette. Så frå klokka 16 til 20 er altså parken open for dei som har lyst på ein forsmak av årets parksesong.