Skarphedins Magne Sanden er heidra for mange års innsats for fotballen. Arkivfoto: Marta Kjøllesdal
Telemark fotballkrets har kåra skarphedinmannen Magne Sanden (59) til årets fotballnamn i Telemark.
Sanden har gjennom 40 år vore både spelar, trenar, leiar og administrator og hatt ein finger med i spelet i det meste som har skjedd i Skarphedin fotball. I dag er han dagleg leiar og har også oppgåver i trening av fleire av klubbens lag.
Han blir heidra for sitt store engasjement for fotballen og for det store arbeidet han legg ned. Klubben har i dag nær 600 spelarar, 44 lag og ei omsetning på rundt sju millionar kroner.