Skarphedin fotball sitt damelag i 3. divisjon slo topplaget Solberg 5-1 i siste seriekamp før ferien. Kampen gjekk på Sandvoll i går kveld og det stod 2-0 ved pause. Dette blei Solberg sitt første tap denne sesongen og dei mista dermed tetplassen til Runar. Måla blei laga av Katrine Robertson, Mia Eriksen (2), Ingrid Mæland og Guro Børve. Kampen blei samtidig farvel til to sentrale spelarar. Marianne Sanden dreg avgarde på studiar, medan keeper Una Langkås går til 1. divisjonsklubben Øvrevoll Hosle.