Kunnskapspark Helge Solberg og Torgeir Straand 090419 0540

Straand satsar i Bø

Samarbeidspartnarar. Eigar av Bø hotell og utviklar av Bø kunnskapspark, Helge Solberg (t.v.), og dagleg leiar i Telemark Technologies på Notodden, Torgeir Straand, har skrive intensjonsavtale på at teknologibedrifta til Straand skal leige seg inn i Bø kunnskapspark.

Telemark Technologies med Torgeir Straand i spissen vil etablere seg i den komande kunnskapsparken i Bø. Satsinga omfattar bygging av ein ny pilotinstallasjon med prislapp på rundt 10 millionar kroner.

Dagleg leiar i Telemark Technologies på Notodden, Torgeir Straand, var tysdag i møte med eigar av Bø hotell, Helge Solberg, og dagleg leiar i Midt-Telemark Næringsutvikling, Bent Gurholt. Temaet var satsing på forsking og teknologi i Bø.

Inn i kunnskapsparken

– Me har inngått ein intensjonsavtale med Helge Solberg om å leige oss inn på cirka 300 kvadratmeter areal i kunnskapsparken han skal byggje ved Bø hotell. Her skal me etablere oss med vår komande store teknologisatsing, seier Torgeir Straand. Han legg til at teknologien handlar om rensing av miljøgifter frå vatn og luft.

Straand presiserer at grunnen til at ein vil satse og etablere seg i Bø er eine og åleine den miljø- og vassfaglege kompetansen ved Universitetsavdelinga i Bø (USN) og den store satsing USN gjer på forsking og miljø.

– Som teknologibedrift er me heilt avhengig av forskingsmiljøet USN byggjer opp for å kunne utvikle våre teknologiprodukt, seier Straand, og legg til at det handlar om kunne utvikle nye produkt og teknologi som kvalifiserer for sal til kundar.

Les meir i dagens Bø blad.