– Me har akkurat passert 200 registrerte studentar som vil flytte til Bø i kampanjeåret 2018. Det melder Marita Kristina Valkeinen i Bø kommune.
Ho opplyser at det framleis er mogleg å registrere seg.
I år som i fjor får studentar som melder flytting til Bø ein sykkel. Kampanjen vart vedteken i kommunestyret etter forslag frå Ingebjørg Nordbø (MDG).
Flyttekampanjen ser ut til å virke. I fjor melde 152 studentar innflytting til Bø kommune, og så langt i år er altså talet 200. Fleire innbyggjarar gir fleire pengar i kommunekassa.