Sjåfør Tom Johansen var på veg frå Herøya til Haugesund da det byrja å ryke frå eit hengarhjul. Dermed stoppa turen i Bø.
Gamleveg i Bø sentrum er torsdag ettermiddag stengt ved Statoil etter eit lastebilhavari i Bøgata. Vegen er stengt medan 26.000 kilo flytande kolsyre blir flytta over frå tanken i den havarerte bilen til ein annan tankbil.
Det var i rundkjøringa i Bøgata at sjåfør Tom Johansen oppdaga røyk frå eit hengarhjul. I staden for å køyre til Haugesund slik planen var, stoppa turen hans i Bø.
Politiet har stengt vegen med sperreband mens bilen blir tømt. Vegen vil bli opna igjen seinare i ettermiddag, når innhaldet i tanken er overført og bergingsbil har henta hengaren.