Kanovelt. Ulykka skjedde ved Herrefoss i 12-tida fredag. Foto: Øystein Akselberg
Den 20 år gamle mannen som var i ei kanoulykke nær Herrefoss i Øvre Bø fredag, døydde av skadene han fekk. Det skriv varden.no.
20-åringen var elev ved Seljord folkehøgskule. Han blei frakta til Rikshospitalet i Oslo med luftambulanse etter å ha velta med kano i Bøelva ved 12-tida fredag. Ifølgje Politiet satt han i ein kano saman med ein annan person da kanoen velta.
Den andre personen kom seg til land ved eiga hjelp etter velten, medan 20-åringen blei redda i land ved hjelp av tre andre turkameratar som sette i gang hjarte- og lungeredning. Den livreddande førstehjelpa blei etter kvart overtatt av ambulanse, politi og brannvesen som rykte ut til ulykkestaden.