Dagleg leiar Asbjørn Botnen opplyser at det ikkje blir 17. mai-buffé på hotellet i år på grunn av streiken. Foto: Gro B. Røiland
For fyrste gong sidan tidleg på 70-talet, blir det ikkje 17. mai-buffé på Bø hotell i år. På grunn av streiken stenger hotellet dørene fredag 13. og held stengt fram til onsdag 18. mai.
Hotellet vil ikkje bli opna igjen før det, sjølv om streiken skulle bli avblåst i løpet av pinsehelga.
– Me opnar igjen 18. mai for overnatting. Deretter tek me dag for dag, seier dagleg leiar Asbjørn Botnen.
Det er sju tilsette som er tatt ut i streik ved Bø hotell.