Ny bestenotering: Bøjenta Mariann Roe går her inn til ny personleg rekord under eit stemne på Hamar 18. mai. Foto: Kondis/ Rolf Bakken.
Skarphedinløparen Mariann Roe sprang inn til både ny personleg rekord og bestenotering for jenter 19 år for Telemark under elitestemnet Norwegian Grand Prix på Hamar onsdag 18. mai. Mariann vann 3.000 meter kvinner senior på tida 9.49,18. Det er 26 sekundar betre enn hennar førre personlege rekord på distansen. Tida er bestenotering for jenter 19 år i Telemark og også ny klubbrekord i Skarphedin.