Ottar Kåsa vann både hardingfele klasse A og instrumentutstillinga med beste hardingfele. Arkivfoto: Marta Kjøllesdal
Vann for fjerde gong
Ottar Kåsa, Falkeriset Spelemannslag, vann laurdag Landskappleiken på hardingfele i klassa A for fjerde gong. Lars Ingar Meyer Fjeld, komande hardingfelelærar i Bø, vart nummer to. Per Anders Buen Garnås, Spelemannslaget Bøheringen, kom på fjerdeplass, slått av Sivert Andreas Holmen, Vårflaumen Spel- og dansarlag.
Kåsa vann denne gjeve klassen både i 2011, 2012 og i 2015. Som me tidlegare har skrive hadde han også beste hardingfele på instrumentutstillinga. Den fekk sølv.
Audun Rørmark tredjeplass i C-klassa
I hardingfele klasse C kom Audun Rørmark, Bø juniorspelemannslag, på tredjeplass. Han vart slått av Sindre Tronrud, Vårflaum Spel- og dansarlag, og vinnar Cecilie Skrindo, Ål spel- og dansarlag. Skrindo vann også i fjor, då fekk Rørmark andre plass og Tronrud fjerdeplass.
Les meir om Landskappleiken i papiravisa.