Kappleikvinnarar på Jørn Hilme-stemnet. Ottar Kåsa til venstre. Foto: Knut Utler.
Hardingfelespelar Ottar Kåsa, busett i Bø, vart nummer to og dermed beste hardingfelespelar under årets Jørn Hilme-stemne. Kappleiken var denne gongen organisert på ein ny måte. I finalen på Valdres Folkemuseum tevla dei tre utøvarane med høgast poengsum frå kappleiken, uavhengig av klasse. Dei som vann kappleiken samla sett, var dansarane Tone Voldhaug og Stoian Roland frå Valdres. Også tredjeplassen gjekk til ein valdris, Henning Andersen som ikkje hadde stilt på kappleik på 10 år, men danka ut andre kjende Valdres-namn som Jan Beitohaugen Granli og Sivert Holmen.