Vitjar Nes kyrkje. Vokalkvintetten Fauna held konsert i Nes kyrkje 12. august. Pressefoto.
Urframfører verk av Henrik Ødegaard
I august skal Fauna Vokalkvintett på turné i Telemark og Vestfold. I vår region besøkjer kvintetten Nes kyrkje fredag 12. august. Konserten tek utgangspunkt i debutplata ”Solefall” og byggjer på folketonearven vår. Gjennom spennande arrangement og kraftfulle stemmer tek musikken lyttaren med på ei reise gjennom nattas og morgongryets stemningar. På konserten i Sauherad vil Fauna også urframføre eit arrangement av Karislåtten skrive til kvintetten av sauheradkomponisten Henrik Ødegaard.