Kristoffer Mosfjeld i Bø jazzklubb og Asbjørn Botnen på Bø hotell har tru på ein jazza haust på hotellet. Foto: Gro B. Røiland
Etter mange år som husrom for jazzartistar på konsertbesøk i Bø, blir Bø hotell nå også konsertscene. Bø jazzklubb har hatt Vertshuset som fast konsertarena i mange år, men med ny bruk av Vertshuset blei jazzklubben huslaus. Løysinga fann dei i underetasjen på hotellet.
– Parketten var scene for konsertar og standup under Telemarkfestivalen, og da såg me at det kunne fungere, seier leiar i Bø jazzklubb, Kristoffer Mosfjeld.
Fyrste konsert er torsdag 15. september, da kjem Farmers Market til Bø. Jazzhausten på hotellet byr også på Ida Jenshus, Cortex, Roger Johansen Group, Hajk og prosjektet Patti Smith på nynorsk.
Les meir i papiravisa eller kjøp avisa på buyandread .