Vidar Tjønntveit har to chevroletar av fin gamal årgang i garasjen. Der står også Cathrines (5) bil, som pappa har bygd. Foto: Gro B. Røiland
Mange i Bø kan mykje om bil og motor. Ein av dei er Vidar Tjønntveit (40). Han fekk sin fyrste bil elleve år gamal. Sidan har det vore den store hobbyen.
Tjønntveit har pussa opp fleire bilar, blant andre ein Chevrolet 46 Pickup som han brukte ti år på å få i stand. Den 70 år gamle bilen er blitt heilt strøken og med ein motor som kan matche dagens trafikk. 46-modellen har hausta fyrstepremiar på amcar-treff rundt om.
– Nokon likar best å køyre, andre likar å skru. Eg er meir ein som skrur enn ein som køyrer, seier Tjønntveit, som pussa opp sin fyrste bil for sal som tretten-åring.
Denne veka og i vekene framover kan du lesa meir om Vidar Tjønntveit og andre motorinteresserte bøheringar i papiravisa eller på buyandread.com.