Over 3.000 bøheringar såg Anders Baasmo Christiansen og Lille Gul i «Børning 2». Foto: Filmweb
Kinoåret 2016 sette Bø kino ny publikumsrekord med 46.135 selde kinobillettar. Dermed blei rekorden frå Titanic-året 1998 på 44.558 besøkande slått.
«Børning 2» bidrog sterkt til ny lokal besøksrekord. Den norske bilfilmen trakk i fjor 3.083 bøheringar inn i kinosalen og blei dermed årets best besøkte film i Bø.
Elles i landet var «Kongens nei» suverent best besøkt, med «Børning 2» på tredje plass. Erik Poppes film om Kong Haakon og dei dramatiske aprildagane i 1940 trakk også mange på kino i Bø, med nærmare 2.500 selde billettar, men blei solid slått av bilfilmen.
Også den fyrste Børning-filmen som kom i 2014 blei publikumsvinnar med 3.558 besøk. Det året blei «Børning» best i Bø, mens på landsbasis var «Hobbiten: Femhærslaget» den best besøkte filmen. Hobbiten kom i 2014 på andre plass i Bø.
Les meir om det gode kinoåret 2016 i papiravisa eller kjøp avisa på nett på buyandread.no.