Til topps. Aslak Nenseter skaut feilfritt og vann sprintrennet i noregscupen på Ål laurdag. Arkivfoto.
Ulefossguten Aslak Nenseter (22), som går for Bø skiskyttarlag, gjekk laurdag inn til ein suveren siger på 10 kilometer skiskyting under sesongens første noregscuprenn for seniorar. Med feilfri skyting gjekk han i mål over 32 sekundar før nestemann. Sundag blei det litt nedtur med ni bom på fellesstarten, men det overskygga ikkje laurdagens topprenn. Til Telemarksavisa seier Nenseter at han no har håp om å få gå internasjonale renn i IBU-cupen. Hedda Lundeberg Aas, som også går for Bø-klubben, fekk ein fin 8. plass på sprinten laurdag. Drangedaljenta Guro Seline Herfoss blei beste telemarking sundag med ein god 8. plass på fellesstarten.