Godt resultat. Bø Sommarland leverte eit godt overskot i 2016-sesongen i parkdirektør René Langeveld Sas sin første sesong. Her er han i amfiet til parkens konsertscene. Den blir gjort klar til å ta imot tusenvis av publikummarar på det TV2-sendte St. Hans-showet.
Bø Sommarland omsette for 44,2 millionar kroner i fjor. No er det klart at familieparken kan bokføre eit overskot på heile 4,6 millionar kroner før skatt. Besøket i vassparken stoppa i fjor på gode 145.000 gjester. Parken kunne i fjor notere drøye fire millionar kroner meir i reine driftsinntekter enn året før. Driftsåret 2016 var også direktør René Langeveld Sas sitt første år i sjefsstolen.