Musikk heile livet. Her syng Thea Ellingsen Grant under Norsjø Kammermusikkfest. Arkivfoto: Øystein Akselberg
10.000 kroner til Thea Ellingsen Grant
Omlag halvparten av hundre vinnarar av Drømmestipendet 2017 er offentleggjort, og ein av dei heldige er Thea Ellingsen Grant frå Sauherad. Thea, som er født i 1997, har drive med musikk heile livet og stemma er hennar instrument. Ho har gått frå kulturskule i heimkommunen til musikkline på vidaregåande skule i Skien og er nå elev ved jazzlina ved NTNU i Tronheim. Her har ho vore med på å starte bandet Juno, med to vokalistar, saksofon, trombone, kontrabass og trommer. Drømmestipendet er på 10.000 kroner.