Høgre-folka Kristin Kleppen (f.v.), Jan Lepperød og Torbjørn Lahus (t.h.) mista veljarar i Bø, medan Senterpartiets Einar Fagerås og Astrid Staurheim (midten i kvite skjorter) kan juble over å vere valets vinnarar i heimbygda. Arkivfoto: Hilde Eika Nesje
Senterpartiet valvinnar i Bø
Da 99,8 % av stemmene var talde opp på valdagen måndag 11. september, hadde Arbeiderpartiet fått flest stemmer frå veljarane i Bø. Senterpartiet var ein god nummer to med 18,7 % av stemmene, med Høgre (16,3 %) og Fremskrittspartiet (14,9 %) hakk i hel. Det største partiet i kommunestyret, Venstre, hadde fått 3,7 % stemmer i Stortingsvalet. 12 personar stemte blankt og fire av stemmene blei forkasta.
Viss ein samanliknar med Stortingsvalet for fire år sidan er det Senterpartiet som er den store vinnaren i Bø, med 10 % auke. I samsvar med landsresultatet raser Arbeiderpartiet også nedover i Bø, minus 7,5 % sidan førre val. Også Høgre mistar veljarar i Bø, medan Fremskrittspartiet , SV, MDG og Rødt aukar. Elles har både Venstre og KrF færre veljarane i Bø enn ved førre Stortingsval.
4455 personar kunne stemme i Bø kommune. Av desse hadde 1197 stemt på førehand. Måndag kveld var totalt opptalde stemmer 3187. Frammøteprosenten ved viste da 72 %.
Valresultatet i Bø – da 99, 8 % av stemmene var talde opp måndag kveld:
Arbeiderpartiet 26,1 % (-7,5 pp)
Senterpartiet 18,7 % (10 pp)
Høgre 16,3 % (-2,5 pp)
Fremskrittspartiet 14,9 % (1,2 pp)
Sosialistisk Venstreparti 6,1 % (1,3 pp)
Miljøpartiet De Grønne 5,6 % (2,0 pp)
Kristelig Folkeparti 5,2 % (-3,1 pp)
Venstre 3,7 % (-2,5 pp)
Rødt 1,9 % (1,1 pp)
Partiet De Kristne 0,6 % (-0,2 pp)
Helsepartiet 0,4 % (0,4 pp)
Liberalistene 0,2 % (0,2 pp)
Alliansen 0,2 % (0,2 pp)
Demokratene i Norge 0,1 % (0,1 pp)
Kystpartiet 0,0 % (-0,1 pp)
Kjelde: www.valgresultat.no
Bø blad kjem tilbake med meir valstoff i papiravisa torsdag.