Margit Ims og Hans Christian Deilhaug kom med diplom og blomar frå Bø mållag, nokon Tove Haugen og Mari Almankås (midten f.v.) sette stor pris på. Foto: Gro B. Røiland
Bunadsverksemda Almankås er heidra med Målblomen frå Bø mållag for bruk av dialekt og nynorsk i annonsering, på sosiale medier og nettside.
– Bø mållag set stor pris på at nynorsk og bømål får vera med på å pryde kommunikasjonen dykkar, og me håper fleire vil ta etter dykkar eksempel. Almankås er ein tradisjonsberar som ikkje berre held handverkstradisjonane i hevd, men og lokal språktradisjon med bruk av nynorsk og bømål, sa Margit Ims, leiar i Bø mållag, da ho saman med styremedlem Hans Christian Deilhaug delte ut Målblomen.
Tove Haugen og Mari Almankås tok imot Målblomen på vegner av bunadsverksemda.
– Det er kjempekoseleg å få Målblomen og moro å bli lagt merke til. Det er jo det me vil, seier Mari Almankås.
Les meir om prisen og Almankås i papiravisa eller kjøp avisa digitalt på buyandred.no