Blei premiert. Ingeborg Lindheim kunne på vegner av Lindheim Ølkompani ta i mot to prisar under kåringa av landets beste eplemost og sider.
Foto: Tora Skjerkholt Aarnes
Lindheim Ølkompani tok heim ein andre- og ein tredjepremie i konkurranse med 18 av landets beste eplemost- og siderprodusentar.
Måndag arrangerte Norsk Eplefest og HANEN (næringsorganisasjon for bygdeturisme) kåringa av Noregs beste eplemost og eplesider 2017. Det skjedde på Norsk Restaurantskole i Landbrukskvartalet i Oslo.
Til saman 76 produkt frå 18 produsentar var med i årets konkurranse. Frå juryen blir det uttalt at det er utruleg mange spennande produkt på marknaden i Noreg. Fire lokale produsentar frå Sauherad deltok.