«Eg veit» heiter debutlåta til Cecilie Ajer Verpe. I løpet av 2018 vil det kome fleire singlar og album frå Bø-jenta. Foto: Gro B. Røiland
Cecilie Ajer Verpe (28) er siste skotet på Bø si musikalske stamme av låtskrivarar og songarar som brukar dialekt. Debutsingelen «Eg veit» er på kort tid spela mange tusen gonger.
Den 29. desember blei singelen lagt ut på strøymetenestar som Spotify og Tidal. På omlag ei veke blei låten spela 8.000 gonger. Sidan har den ligge på Norway Viral 50, lista over dei femti mest spela låtane på Spotify i Noreg.
– Eg hadde inga forventningar eller forhåpningar, men eg synest det er veldig moro, seier Cecilie.
Med seg som produsent, medkomponist og støttespelar har ho Halvor Halvorsen, kjent frå Byting og Big Bull Band.
Les meir om Cecilie i papiravisa eller i e-avisa, som abonnentar finn på boblad.no. Du kan også kjøpe avisa på buyandread.no.