Store utfordringar. Bane Nor kan ikkje seie når strekninga Nordagutu–Skien opnar igjen. Foto: Bane Nor
Veit ikkje når strekninga kan opnast
Bane Nor driv framleis med rydding av tre etter det siste snøfallet denne veka. Det betyr at strekninga Nordagutu–Skien framleis er steng.
– Bane Nor arbeider på spreng for å opne linja, opplyser Torgald Sørli, senior kommunikasjonsrådgjevar i Bane Nor i ein e-post.
Han skriv at utfordringane er store og at Bane Nor derfor ikkje har nokon prognose for når strekninga kan bli opna igjen. Strekninga Hjuksebø–Notodden er open for trafikk. Sørli opplyser at der framleis blir rydda langs linja Nordagutu–Kongsberg.