Vellukka landing. Svein Gunnar Mæland på toppen av flytrappa like etter Boeing 737-flyet hadde landa på Geiteryggen flyplass laurdag. Foto: MSG Production
Laurdag like før klokka 14.30 foretok SMG Production sitt nyinnkjøpte Boeing 737-fly ei vellukka landing på Geiteryggen flyplass i Skien. Dette er ein stor milepæl i grundar Svein Gunnar Mælands industrieventyr: Passasjerflyet skal vere demonstrasjonsfly i firmaets store testhall for vask- og avising av fly på Geiteryggen flyplass. Flyet tok ein sving over Gvarv og Breisås i ca 900 meter høgde før innflyging mot Geiteryggen og var mogleg å sjå cirka klokka 14 laurdag.
Oppmøtet på flyplassen av skuelystne var svært stort då det berre er andre gongen i historia at eit Boeing 737-fly har landa på Geiteryggen. Det blei ein dag med store opplevingar og mange følelsar for MSG-teamet og Svein Gunnar Mæland spesielt.