Russen ved Bø vidaregåande skule tek kvart år eit krafttak mot kreft, og i år er tema for innsamlinga seinskader etter behandling. F.v. skulekontakt Irene Bøen, Iselin Storhaug, Anders Hesthag og Annika Momrak i innsamlingskomiteen. Foto: Marta Kjøllesdal
I år tek russen ved Bø vidaregåande skule i bruk digitale hjelpemiddel og utfordrar også næringslivet til å gje til den årlege innsamlinga Krafttak mot kreft. Pengane går til forsking på seinskadar.
Det er Kreftforeningen som står bak innsamlingsaksjonen. Pengane frå årets aksjon skal gå til å forske på korleis dei som overlever kreftbehandlinga kan få det betre.
– Å vere med på Krafttak mot kreft har blitt ein positiv tradisjon ved skulen, seier Annika Momrak, ein av russen som er med og organiserer aksjonen i Bø.
For å få inn pengar skal russen gå med bøsser 6. mars. Dei brukar same kartet over roder som blir brukt i TV-innsamlinga. Elevane ved Bø vidaregåande skule skal gå i Bø og i Sauherad.
Les meir i papiravisa eller i e-avisa på boblad.no.