180208-UKM-Bø-Sauherad-29-

Nora og Guro til UKM-festivalen

Fint stoff. «Kjole for enhver anledning» var tittelen og kreasjonen har Nora Staurheim brukt både i Argentina og Noreg.

 

To frå Bø er plukka ut til å reise til landssamlinga i UKM

Nora Staurheim og Guro Bø Kaasa er tekne ut til å reise til UKM-festivalen i Trondheim.

Det opplyser UKM Telemark på si nettside i dag, torsdag.

UKM-festivalen er i år i Trondheim frå måndag 25. til fredag 29. juni. Her kan ungdommane delta i mange slags aktivitetar, sjå kunstutstillingar og framsyningar på byens største scene: Olavshallen.

Mellom 500 og 600 ungdommar får vere med på UKM-festivalen årleg. Dei deltek med alt frå sceneframføringar til arrangørverksemd, medieproduksjon, litteratur og kunst. Det er 27 ungdommar med sju sceneinnslag og fem ungdommar med fire kunstinnslag som har blitt plukka ut til å reise frå Telemark til Trondheim. Fylkesmønstringa gjekk i Porsgrunn tidlegare i månaden.