Kongepokalvinnarar Ingebjørg Bratheim Bø og Ola Narverud dansar i operaen i november. Foto: Thomas Westling
I fjor vann Ingebjørg Bratheim Bø, Bø dansarring, og Ola Narverud, Småjondølenes dansarlag, kongepokalen i dans hardingfele på Landskappleiken. I november dansar dei på Meisterkonserten i Operaen.
Det er tredje gong Meisterkonserten blir arrangert i operaen, og det skjer same helg som bransjetreffet Folklarm og Oslokappleiken går føre seg i Oslo. Det er i hovudsak årets vinnarar av ulike klasser på Landskappleiken i Trysil og Landsfestivalen i gammeldansmusikk i Skjåk som blir inviterte til å opptre, men også vinnarar av to klasser på Landskappleiken i fjor. Foruten Bø og Narverud gjeld det felespelar Hans Kjorstad som vann Fureprisen 2017.