I skåringshumør. Her har Skarphedindamene laga mål på Sandvoll. 1. oktober er det toppkamp. Foto: Glenn Isaksen.
Skarphedin sitt damelag i fotball har klatra på tabellen (3. divisjon) denne hausten og er nå med i opprykkskampen for alvor. To lag rykkjer opp. Sandefjord er suveren og om andreplassen kjempar Skarphedin og Stathelle.
I går sikra laget seg sin tredje storsiger på rad. Topplaget Teie blei nedsabla 0-5 på bortebane. Laget har i tur og orden i haust slått Urædd 2 (1-0), Stathelle (2-0), Fossum (7-2), Hønefoss 2 (7-0) og nå Teie (5-0). Neste kamp er mot, så langt, suveren Sandefjord på tabelltoppen. Det skjer heime på Sandvoll 1. oktober. Da må damelaget løfte seg enda eitt hakk og gje vestfoldlaget skikkeleg kamp i toppen.
Målskårar mot Teie var Julie Morken (2), Marie Bang, Mia Eriksen og Guro Børve. Dette er Morkens første mål i Skarphedin-trøya. I andre enden reddar keeper Linda Johansen ein straffe. På trenarbenken er det Øystein Sele som er sjef.