Ved 19-tida i kveld var det ei trafikkulykke ved juva på Folkestadvegen i Bø. Det var fire personar i bilen, men det er ikkje meldt om alvorlege personskadar, skriv politiet på Twitter.

Dei fire som var i bilen er kjørt til sjukehuset i Skien for undersøkingar.

Ifølgje politiet har føraren mist kontrollen i ei venstrekurve på vegen og fått sleng på bilen før den trefte ein lyktestolpe. Bilen hamna deretter på taket.