Storkonsert for Bjarne Herrefoss

Torgeir Straand (f.v.), Magne Herrefoss og Per Anders Buen Garnås spelar på konserten fredag. Måleriet av Bjarne Herrefoss er ny vandrepremie på Bøkappleiken. Foto: Gro B. Røiland

Eit superlag av gode spelemenn møtast på scenen på Sandvin fredag kveld i samband med Bøkappleiken. Her blir det konsert til ære for meisterspelemannen Bjarne Herrefoss (1931-2002). Fredagskvelden på Sandvin er også lansering av bok og dobbeltalbum med opptak av Herrefoss frå kappleikar og Store Studio i NRK.

På konserten blir det spel av Hallvard T. Bjørgum, Knut Hamre, Alf Tveit, Egil Syversbråten, Magne Herrefoss, Ottar Kåsa, Johannes Sundsvalen, Lars-Ingar Meyer Fjeld, Einar Øverland, Erland Tveiti, Per Anders Buen Garnås, Svein Olav Krontveit, Torgeir Straand og Herbjørn Liahagen.

Kappleiken med konkurranse i spel, dans og kveding er på Sandvin laurdag. Ny vandrepremie, sett opp for beste spel, er eit måleri laga av Knut Buen. Måleriet viser Bjarne Herrefoss ved Gongestoga på Seljordsheia.