Liten oppgang for skjenkestadane
Elleve uteplassar hadde løyve til å skjenke alkohol i Bø i fjor. Pizzafjoset og Bull Inn held stand som den staden som skjenkar mest alkohol i Bø.
Totalt blei det servert 50.664 liter øl og rusbrus, 5.374 liter vin og 1.674 liter brennevin ved utestadane i Bø i fjor. Alle tre kategoriane har ein liten oppgang i salet i høve 2017.
Sidan Den Gode Nabo blei stengt har likevel ikkje totalen kome opp på nivået som var i 2015, som så langt er toppåret for utebransjen i Bø. Det viser at bransjen ikkje har teke over for «det tapte» som følgje av at Den Gode Nabo held stengt. Salet av øl gjekk ned frå 57.891 liter i 2015 til 46.793 liter i 2017.
